Rocket-Man – tryggleik, meistring og tilhøyrsle for ungdom
Korleis kan vi saman bidra til at fleire ungdommar får kjenne på meistring, fellesskap og glede i kvardagen?
Under denne lunsjen får du høyre Astrid Sætveit Torsvik fortelje om korleis Sogndal kommune har starta initiativet Rocket-Man, eit prosjekt som rettar seg mot ungdom mellom 13 og 18 år som står i fare for å falle utanfor.
Gjennom aktivitetar, trygge vaksne og fellesskap med andre ungdommar, skaper Rocket-Man eit miljø der alle kan kjenne seg inkluderte og verdifulle. Målet er å førebygge utanforskap, psykiske plager og rusbruk, og å gje ungdommane verktøy til livsmeistring.
Kom og høyr korleis Astrid arbeider for å styrke dei unges tilhøyrsle, og korleis vi som lokalsamfunn kan bidra til å løfte framtidas rakettar! 🚀
Ta med deg matpakka og få påfyll både til hovudet og praten.
Arrangementet er gratis og ope for alle.
🕛 Tid: Onsdag 12. november kl. 11.30
📍 Stad: 2 etg i Innovasjonsbygget