Om Sogn Næring

Sogn Næring er eit regionalt utviklingsselskap som arbeider for å samle utviklingskrafta i Sogn.

Sogn manglar ikkje vilje, idear eller moglegheiter. Utfordringa er å kople rett folk, kompetanse og ressursar – og gjere gode initiativ til konkrete resultat. Difor finst vi.

Vi koplar menneske, verksemder, kommunar, akademia og verkemiddelapparat. Vi utviklar idear, prosjekt og samarbeid. Og vi gjennomfører slik at gode initiativ blir til konkrete resultat.

Samtidig er vi 1.linjetenesta for bedrifts- og gründerrettleiing i Sogndal, Aurland og Vik kommune. Kvar dag hjelper vi etablerarar, gründerar og bedrifter med å utvikle idear, finne moglegheiter og skape vekst.

Sogn står framfor utfordringar knytte til demografi, kompetanse, digitalisering og grøn omstilling. Ingen av desse utfordringane kan løysast av éin aktør åleine. Difor arbeider vi på tvers av kommunar, næringar og fagmiljø for å kople folk, kompetanse og ressursar der dei kan skape størst verdi.

Gjennom etablerarrettleiing, bedriftsutvikling, nettverk, møteplassar, regional profilering og utviklingsprosjekt bidreg vi til varig verdiskaping og attraktive lokalsamfunn i Sogn.