Med forankring i alle dei seks kommunane, sterk gjennomføringskraft, og eit brennande ynskje om byggje stoltheit for Sogningen, skal Sognaklynga vidareutvikle eksisterande møteplassar og skape nye arenaer for fellesskap.

Sogn Næring har vore avgjerande for gjennomføringa av dei to signalarrangementa som har lansert Sognaklynga i 2025: Sognafest og Sognasmart.

Sognafest var ei feiring av alt det som gjer Sogn unikt – med musikk, mat, fellesskap og inspirasjon. Her fekk folk kjenne på stoltheit og tilhøyrsle, og møte andre som vil vere med å utvikle regionen.

Sognasmart var ein arena for idéutveksling og samarbeid, der deltakarane drøfta korleis vi kan bygge Sogn 2.0. Gjennom faglege sesjonar, parallellprogram og matfestival vart det sett lys på tema som kraft, industri, utdanning, offentlege tenester og rekruttering. Arrangementet samla både patriotar og innovatørar – og la grunnlaget for vidare arbeid i klynga.