Rein Sognefjord 2025 – Bli med og rydd fjorden vår!

Sogn Næring er med, er di bedrift?

Torsdag 4. september er det klart for årets store ryddedugnad langs fjorden vår: Rein Sognefjord 2025! I fjor stilte vi i Sogn Næring med arbeidshanskar, sekkar og stor innsatsvilje, og det gjer vi sjølvsagt i år også. No håpar vi at endå fleire bedrifter i regionen blir med oss på dette viktige løftet for naturen og nærmiljøet.

Kva handlar det om?

Rein Sognefjord er ein del av den landsdekkande ryddeaksjonen i regi av Framtidshavet og Hold Norge Rent. Målet er å fjerne plast og avfall frå fjordkanten på ein og same dag. Dette er ei gyllen moglegheit for bedrifter som ønskjer å bidra til samfunnsansvar, teambuilding og ei reinare framtid.

Slik blir di bedrift med:

• Registrer dykk på holdnorgerent.no

• Vel eit område. Det kan vere nær kontoret, produksjonslokalet, fjorden eller stranda

• Møt opp 4. september med arbeidshanskar og godt humør

• Del bilete og bruk gjerne emneknaggen #ReinSognefjord

Kvifor delta?

• Din bedrift bidreg til å ta vare på fjorden vi lever av

• Tilrettelegg for samhald og miljøengasjement blant tilsette

• Vis kundar og samarbeidspartnarar at de tek berekraft på alvor