Frå internasjonalt prosjekt til lokal energilab
Bruk lunsjen din til å få ein kjapp introduksjon til Interreg europe prosjektet green hydra og korleis dette prosjektet heng saman med vår heilt eigen Energilab her på Campus.
Det vil bli anledning til å bli med på omvisning av læringslabben etter presentasjonen, ca kl. 12.
Ein del av EU-prosjektet Green Hydra
Korleis kan hydrogen bli ein viktig del av det grøne skiftet? Green Hydra er eit EU-prosjekt der me skal finna nye moglegheiter for små og mellomstore bedrifter til å bli ein del av Hydrogenøkonomien. Målet er å fremje forsking, innovasjon og teknologiutvikling for å skape nye forretningsmoglegheiter i denne sektoren.
Sogndal kommune adresserer kommuneplanen som politikkinstrument i prosjektet. Kommunen ønsker å forbetre regulatoriske rammevilkår, og fremja forskning, innovasjon og teknologi hjå SMB-ar i næringa. Kommunen sitt regionale nettverk består av Sogn Utvikling, Luster kommune, Vik kommune, Høgskulen på Vestlandet og Sogn Næring. Det er og ei målsetjing å etablere ei utvida lokal interessentgruppe.
Green Hydra samlar aktørar frå elleve europeiske land for å dele erfaringar og leggje til rette for berekraftig vekst i hydrogenøkonomien.