Kven fortener å vinne FOLKA-prisen 2025?
I samband med FOLKA-konferansen 21. og 22. oktober lanserer vi ein heilt ny pris: FOLKA-prisen.
Prisen går til ein arbeidsgivar i Vestland som har gjort ein særskilt innsats på årets tema for rekrutteringskonferansen: Fire generasjonar – eitt arbeidsliv. Korleis byggjer du ein arbeidsplass der alle vil vere, og bli verande?
Vi ser etter ein arbeidsgivar som:
Er ein god arbeidsplass for alle generasjonar
Klarer å få tak i, og halde på, flinke folk
Skapar tryggleik og trivsel på jobb gjennom konkrete og målretta tiltak
Er til inspirasjon for andre når det kjem til rekruttering og arbeidsmiljø
Vinnaren får heder og ære og 10 000 kroner til å bruke på noko som fremjar arbeidsmiljøet i bedrifta si!
Kjenner du nokon som fortener å vinne? Eller jobbar du kanskje sjølv på ein slik plass? Nominer dei til FOLKA-prisen, og fortel kvifor nettopp dei fortener prisen. Vinnaren blir kåra under FOLKA-konferansen 22. oktober.
Frist for å nominere: 26. september.
FOLKA-konferansen vert arrangert av Framtidsfylket Vestland, NHO Vestland, Nordfjordkompaniet, Sogn Næring og Sunnfjord Utvikling. Sparebank1 Sogn og Fjordane er sponsor for konferansen.
