Ei brennheit Sognagate på Bergen matfestival

Vi gjentek historia frå i fjor, og reiser i samla følge på Bergen matfestival og Norsk siderfestival, som går føre seg samstundes 5.-6. september. Med til byn har vi sterke, søte, friske og edle saker. Til og med ein meisterkokk blir med for å presentere godsakene frå Sogn desse dagane.

Matfestivalen i Bergen samlar kvart år 200 000 besøkande, i tillegg til produsentar og kokkar frå heile Noreg. Her kan publikum handle på marknadane på festplassen og torgalmenningen, ete kreative menyar på festivalrestaurantane, og vera med på spennande smak og prat-workshoppar med folk som kan sakene sine.

Det første som møter deg når du kjem inn på festplassen frrå Christies gate, er ei heil rekke med produsentar i Sognagata. På rekke og rad treff du:

• Haugen gardsmat

• Bøtun gard

• Undredal stølsysteri

• Vikja kjøt

• Borgund chili

• Lomelde fruktgard

• Alm gard

• Elvebakken gardsysteri

• Sognefjorden kaffibrenneri

Bøtun gard

Årets lokalmatbedrift i Noreg 2024! Martin og Mathilde driv ein økologisk markedshage på Lambhaug, Luster. Dei kjem med chutneys, grønsaker, blomar, sjokolade, urter og gode saker til Bergen matfestival.

Lomelde gard

Anders og Marianne kjem til Bergen matfestival med plomer, rips, moreller, blomar, pærer og alt anna som måtte vere modent! Eit last med grøne, gode greier.

Elvebakken gardysteri

Frå ysteriet ser Kurt rett opp på Kaldakari, som har gitt namnet til deira prisvinnande brunost av geit. Prøv den på vafler!

Sognefjorden kaffibrenneri

Nybrent kaffi frå Sognefjorden kaffibrenneri, nokon? Kjetil serverer kaffi i flytande og bønneform på Bergen matfestival. Begge deler er utsøkt.

Alm gard

Økologisk is, müsli, gouda-ost og honning. Det er berre nokre av godsakene Guus og Muriel diskar opp med. Frå Feios, Vik kommune.

Haugen gardsmat

Du finn produkta til Odd og Kristine på fleire restaurantar i Oslo og Bergen, og ikkje minst på rockefestivalen Tons of Rock. Viltkjøt, svin, kjøtbollar, burgerar, kjekjøt - dei har med seg det meste til Bergen matfestival.

Vikja kjøt

Vikja kjøt set dyrevelferd i høgsetet. Kort reiseveg og lite stress, økologisk kjøt og høg kvalitet. Fenalår og greske kjøttbollar, på bergen matfestival får du tak i det meste.

Undredal stølsysteri

Tre familiar driv undredal stølsysteri saman. Kvit og brun geitost, fersk og vellagra. Passar deg som likar ost.

Borgund chili

Saus til folket! Og den skal vera sterk. Vindhelloo, Brennande Bøthun, Sydhavskongevegen er nokre av navna på dei brennheite sausane brørne Bøthun frå Borgund, Lærdal tek med seg til Bergen matfestival.

Så ruslar du gjennom området med fleire flinke produsentar frå Vestlandet, og kjem fram til teltet som husar norsk Siderfestival. Her finn du også eit solid utval produsentar frå Sogn, og ein kollega frå Jølster.

• Ølmheim siderhage

• Ciderhuset Balholm

• Amble gard

• Norane fruktgard

• Odelsgut

• Vestavin

Amble gård

Mette Marie Heiberg er 10. generasjon som driv Amble gård i Amlabukta, Sogndal kommune. Ho kjem til Norsk siderfestival med fleire ulike siderstilar.

Odelsgut

Alexander og Cecilia driv Odelsgut på Fimreite i Sogndal kommune. Dei kjem til Norsk siderfestival med fleire siderstilar, og der veit vi bergensar-sogningen alex føler seg heime.

Vestavin

Camilla Aasen lagar fruktvin av bær og frukt som kan dyrkast langs Jølstravatnet. Tanninhaldig, friskt eller søtt? Camilla har mange variantar.

Ølmheim siderhage

På Ølmheim i Sogndal kommune driv Endre og Sigrid med både plomer og epler - stadig meir i flytande form. Deira sider på tradisjonell metode fekk nyss medalje i Cider World i Frankfurt.

Balholm Ciderhuset

Ein av aktørane som har drive med sider lengst i Noreg. To generasjonar Eithungjerde kjem til Norsk siderfestival med sitt rike utval sidrar i mange stilar.

Norane fruktgard

Stig Johnny og Ann-Kitty er helst til på Norane fruktgard, Sogndal kommune. Rett ved der slaget på Fimreite stod i 1184, dyrkar dei epler og pressar til most og sider. Dei er med til Norsk siderfestival i Bergen for fyrste gong.

Ein eksklusiv smak av Sogn

Nytt av året er at vi får med oss dyktige Mantas Vaidelis, kjøkensjef hos Norways best til Bergen. På den eksklusive masterclassen Siderkunst og smakar frå Sogn, kan du bli med sommelier og pommelier Thor Oddvar Havn på ei reise inn i norsk siderkultur. Siderane er akkompagnert av Mantas sine smårettar av dei beste råvarene frå Sogn. Mantas Valdelis har erfaring frå Michelinstjerne-restaurantane Gordon Ramsay (London) og KOKS (Færøyane), og har spesialisert seg på nordiske smakar i ny drakt. Til vanleg tryllar han fram rettar på Hotel Aurlandsfjord i

Denne opplevinga kan du få med deg fredag 5. september, klokka 14.30 i kursteltet på Festplassen, eller laurdag 17-18 same plass.

Smak og prat om sider

Du kan bli betre kjent med siderprodusentane på Bergen matfestival sine Smak & prat-kurs. Alle produsentane er sett inn på ulike kurs, saman med kokkar og sommelierar som viser deg korleis du kan få fram det beste i produkta.

Arrangementa passar godt for deg som vil lære meir, og ikkje minst som er glad i god mat og drikke. Sogningane kan du mellom anna møte her:

• Smak & prat med Amble gård, Nerø sideri og Skarbø gard

• Smak & prat med Ciderhuset Balholm, Aga sideri, og Voss gardspresseri

• Smak & prat med Odelsgut, Eiane gard, Bignose og Norane Fruktgard

• Persetorsk & sider - med Ciderhuset Balholm

• Smak & Prat med Vestavin, Epli sideri, Jaastad Sideri

• Smak & prat med Ølmheim siderhage, Store Naa siderkompani og hardanger saft og siderfabrikk

Sjå alle kurs og arrangementa i oversikta til Bergen matfest her. Kursa brukar å bli utselde, så hiv deg rundt om du vil vera med.

Odelsgut, Ciderhuset Balholm, Amble gard, Skjolde sideri, Ølmheim siderhage og Norane fruktgard på Sogn sin frøste siderfestival på Dampskipskaien i juni. Desse utanom skjolden sideri), blir å treffe i Bergen i september.