Koronasituasjonen - nye økonomiske tiltak frå regjeringa

Fredag 29. januar blei det lagt fram forslag til nye og forlenga økonomiske tiltak i samband med koronasitusjonanen. Støtteordningane retta mot bedrifter og arbeidstakarar blir styrka, og det blir lagt til rette for omstilling av reiselivet og fleire innovasjonsprosjekt i næringslivet.

Særskilt relevante tiltak retta mot næringslivet i Sogn er:

• Forlenging av kompensasjonsordninga for føretak med stort omsetningsfall ut juni

• Forlenging av omstillingsordninga for event- og reiselivsnæringa ut juni

• Auka innovasjonstilskot under Innovasjon Norge

• Midlertidige reglar for sjukepengar til arbeidstakarar, frilansarar og sjølvstendig næringsdrivande ved koronarelatert fråvær blir forlenga ut juni

• Perioden med arbeidsavklaringspengar som arbeidssøkar blir forlenga ut juni

• Forlenging av den midlertidige ordninga for utsetting av skatte- og avgiftsinnbetalingar ut juni, med unntak av meirverdiavgiftskrav med forfall etter 12. april

Ta kontakt med oss i dag om du har ein god idé og ynskjer å utvikle bedrifta di i ei krevjande tid. Kanskje er innovasjonstilskot hjå Innovasjon Norge det du treng for å kome i gang?