Nytt pizzatilbod skal gi meir liv i Fjøra

Nytt pizzatilbod skal gi meir liv i Fjøra

Onsdag kveld vart det arrangert ei generalprøve for næringslivet i Sogndal. Sogn Næring var til stades saman med ei rekkje bedrifter frå regionen, som fekk prøve meny og oppleving før den ordinære opninga torsdag.

Peppes Pizza har no etablert seg i kjellaren av det tidlegare bankbygget i Nedste Fjøra i Sogndal. Etter ei intensiv opningsfase er restauranten klar til å ta imot både lokale gjester og næringslivskundar.

Lokala har fått eit tydeleg urbant preg med moderne løysingar og rundt 70 sitjeplassar. Det gir rom for både lunsjar i arbeidstida, familiesamlingar, møteaktivitet og sosiale kveldar.

Initiativet blir sett på som eit positivt bidrag i ei tid der utviklinga av sentrum står sterkt. Eit breitt spekter av serveringsstader er viktig for å halde Fjøra attraktiv for arbeidstakarar, studentar og tilreisande. Næringslivet i området får med dette eit nytt lågterskeltilbod for både servering og møteplassar, noko som kan styrke trivsel, rekruttering og aktivitet i sentrum.

At etablerte aktørar vel å satse i Sogndal blir av mange tolka som eit teikn på at interessa for å drive i Fjøra er aukande. Med plassering midt mellom handel, bustader og campus kan restauranten bidra til meir trafikk og auka verdiskaping i sentrumskjernen.