Kva er partia i Sogndal sin næringspolitikk?

Det er straks valdag! Har du ikkje landa kven som får di stemme enda? Det er ikkje for seint. Bruk stemma di for å få den utviklinga du har tru på i kommunen dei neste åra! Her kjem ei oppsummering av kva dei ni partia ( i alfabetisk rekkjefølgje) som stiller liste i Sogndal har som sine næringspolitiske kampsaker.

Arbeidarpartiet (AP):

  • At kommunen skal vera ein aktiv vertskommune for private og offentlege verksemder, skular og anna verksemd. Kommunen må sikra at den har god kunnskap og utfordrinar og behov.

  • At Sogndal kommune skal vere ein næringsvenleg kommune med god kompetanse som bidreg til nyskaping, innovasjon og vekst i arbeidslivet. Kommunen skal ha kapasitet til å ta godt imot både nye og etablerte verksemder, og medverka til å utvikle dei vidare.

  • Gjennom arealplanlegging og andre verkemiddel skal sikrast tilstrekkeleg næringsareal.

  • Vere pådriver for å auke i talet på læreplassar i kommunen, både i privat og offentleg næringsliv.

Framstegspartiet (FRP):

  • Vil jobbe for auka fokus på næringsetablering i kommunen og tilretteleggja for fleire einebustadar

  • Administrasjonen må også i større grad vera ein medspelar enn ein motspelar når nokon ynskjer å få til næring.

  • JA haldning og sunt bondevett inn i kommunal forvaltning og beslutningar

Høgre (H):

  • Fjerne formueskatt på arbeidande kapital

  • Det skal til ei kvar tid vere ledige lokale og næringsareal til å etablera eller ekspandera for næringslivet

  • Ha tilgjengeleg areal for grøn industri

  • Få på plass kompenserande tiltak ved stenging av Lærdalstunnellen

  • Verksemder i regionen skal behandlast likt innanfor sakshandsaming, anbod og vilkår

  • Kommunen skal i størst mogleg grad handla lokalt

  • Kommunen skal vera open og tydeleg i kommunikasjon med næringslivet

  • Få ned sakshandsamingstida på søknader om tiltak i byggebransjen og overhalde maksfrist for sakshandsaming

  • At innbyggjarar og andre interessentar må sikrast tidleg medverknad i utbyggingsprosjekt

  • Utvikling av Fjøra

  • Utvikling og realisering av planane for Saften i Leikanger

  • Utvikling av Holmatunet og sentrum i Balestrand

Kristeleg folkeparti (KrF):

KrF ynskjer at kommunen legg til rette for vekst og nyetablering, og held fram med å vere ein gründerkommune. Kommunen må arbeida aktivt for at fylkeskommunale tenester vert verande og at nye oppgåver vert lagde til kommunen. Kommunen skal fremja det grøne skiftet i næringslivet og prioritera bedrifter som vel klimasmarte løysingar.

  • leggja til rette for etablering av nye bedrifter og at etablerte bedrifter kan utvikla seg vidare

  • Sogndal kommune skal vere ein attraktiv stad for bærekraftige industriinvesteringar

  • Satsa på vidareutvikling av reiselivsprofilen til kommunen, spesielt i Balestrand, Fjærland og Sogndalsdalen

  • Leggja tilhøva til rette for at Høgskulen på Vestlandet får gode vilkår for vekst i Sogndal

  • At alle elevar skal ha gjennomført ein entreprenørskap-aktivitet i løpet av året - gjerne i samband med Ungt Entreprenørskap

Miljøpartiet Dei Grøne (MDG):

  • Sikre at næringsavdelinga i kommunen jobbar med grøn omstilling og spelar på lag med det lokale næringslivet for å finne løysingar som sikra ei trygg og god grøn omstilling for både arbeidstakarar og bedrifter.

  • Sikre moglegheit for meir grøn turisme i kommunen, som baserer seg på kortreiste tenester og klimavenleg transport.

  • Sikre innkjøp av lokalproduserte produkt og tenester gjennom kommunale innkjøpsrutiner, og at det blir stilt klima- og miljøkrav ved innkjøp.

  • Undersøke moglegheita for innføring av turistskatt, der pengane går til drift og vedlikehald av kommunen sine offentlege tenesteområde som grøntområde, rasteplassar, stiar, sikringstiltak og tilgang til offentlege toalett.

  • Leggje til rette for utvikling av lokal kultur og tilgongen til natur, som eit grunnlag for kortreiste opplevingar for innbyggjarar og turistar.

  • Støtte eksisterande og stimulere til nyetablering av berekraftige,

  • Samvirkebaserte lokale og regionale verksemder som tek utgangspunkt i lokale ressusar og tenester.

  • Gjere det lettere for lokale mat- og drikkeprodusentar å selje produkta sine lokalt og regionalt.

  • Fremje nyetablering av verksemder innan gjenbruk, reparasjon og vedlikehald.

  • Arbeide for at alle verksemdene i Sogndal kommune, inkludert ommunen sjølv, blir sertifisert som miljøfyrtårn.

  • Arbeide for at turistbygdene våre kvalifiserer for Innovasjon Noreg si “Berekraftig reisemål”-merking

  • Gi økonomiske insentiv til dele-, utleige- og utlånsordningar etter modell av dagens bildelingsringar og bibliotek.

  • Innføre lett tilgjengeleg kjeldesortering av papir, plast og matavfall i det offentlege rom,og i offentlege bygg og næringsbygg, med skular som prioritert satsingsområde.

  • Bruke Sogn næring og andre støtteordningar til å stimulere fleire matforedlingsverksemder til å nytte lokale råvarer. Dette skal skje både ved økonomisk støtte og rettleiing.

Raudt (R):

Under overskrifta samfunnsutvikling og arbeidsplassar:

Raudt Sogndal ynskjer å utvikla lokalsamfunnet i fellesskap, basert på nærleik til tenester og arbeid. Me vil jobba for å behalda arbeidsplassar i kommunen og regionen og leggja til rette for at nye bedrifter skal kunne starte opp i kommunen. Raudt Sogndal ynskjer at kommunen vår skal stimulera til eit lokalt og sjølvstendig næringsliv, som sikrar eit mangfald av arbeidsplassar og ei berekraftig utvikling av lokalsamfunnet.

Senterpartiet (SP):

  • Me vil ha tilgjengelege næringsareal i heile kommunen for mindre/ mellomstore bedrifter, i tillegg til større arealkrevjande verksemder

  • Legge til rette for satsing på grøn industri

  • Utnytta matproduksjon og merkevarebygging innan reiseliv og næringsutvikling.

  • Sikra vidare utvikling av forskingsmiljøet innan frukt og bær

  • Vidareutvikle Campus Sogndal innan kunnskapsbasert teneste-produksjon og sikra gode tenester for rettleiing til næringslivet og samarbeid på tvers av verkemiddelapparatet

  • Støtta planane om etablering av fjordsenteret «Fjordviten» i Fjærland

  • Halda fram utviklinga innan heilårs reise- og friluftsliv på ein berekraftig måte

  • Arbeida for å binda saman sterke reiselivstradisjonar sommarstid i Balestrand og Fjærland med vinterdestinasjonen Sogndal

  • Leggja til rette for aktivitetsbasert reiseliv, fjellsport og bruk av fjorden

Sosialistisk Venstreparti (SV):

  • Ha ein open næringspolitikk og satse på næringsutvikling i heile kommunen

  • Støtte lokale gründerar m.a. ved å ha rimelege kontor- og næringslokale

  • Ha effektive og målretta plan- og byggesaker

  • Bruke kommunale innkjøp til å styrke lokalt næringsliv, miljø og innovasjon

  • Gjere kommunen til ein føregangskommune for utvikling av grøn teknologi i samarbeid med lokalt næringsliv, høgskule og forskingsorganisasjonar

  • Styrke dei kommunale næringsmidlane og den kommunale næringsadministrasjonen

  • Styrke vertskommunerolla for HVL og medverka til eit godt samarbeid mellom HVL, kommune og lokalt næringsliv

Venstre (V):

  • Følgja opp masterplanen for reiseliv i Sogn, og sikra berekraftig besøksforvaltnig

  • Ha ein strategi og leggja til rette for grønt og småskala landbruk

  • Etablera næringsfond som stimulerer grøn omstilling og initiativ. Til dømes investeringar i energieffektivisering, grøn teknologi, eller andre miljøvenlege løysingar

  • Jobba for at Campus Sogndal blir satsa på i eit nytt Vestlandsuniversitet

  • Styrkja det strategiske arbeidet med å utvikla Leikanger og Sogndal som lokalisering for offentleg forvaltning, forsking og utdanning

  • Ha ein aktiv innkjøpspolitikk som stimulerer grøne grep og gjer det enklare for små og mellomstore verksemder å konkurrere,. til dømes ved å dela opp kjøp i delkontraktar.

  • Samarbeida med frivillige og andre aktørar om sosialt entrepenørskap og nye tenestemodellar som skaper verdiar for lokalsamfunnet

  • Jobba for at Marheim blir realisert

  • Private og offentlege verksemder skal kunne stola på at kommunen har gode og tilgjengelege tenester, i tråd med kva dagens arbeidstakarar forventar

Sigrid Skjerdal