Kva er Sirkulære Sogn?
Sirkulære Sogn er eit regionalt samarbeid for å fremje sirkulær økonomi, ombruk og berekraftig verdiskaping i Sogn. Initiativet vart etablert i 2023 og er eit samarbeid mellom kommunane Sogndal, Luster, Årdal, Lærdal, Aurland og Vik, saman med SIMAS og Vestlandsforsking.
Målet er å styrke kunnskapen om sirkulær økonomi og skape møteplassar der kommunar, næringsliv, forskingsmiljø og andre aktørar kan møtast for å dele erfaringar, lære av kvarandre og utvikle nye løysingar. Gjennom fagseminar, nettverksbygging og samarbeid ønskjer vi å stimulere til innovasjon, auka ombruk av ressursar og nye moglegheiter for næringsutvikling i regionen.
Kvart år arrangerer Sirkulære Sogn eit fagseminar med eit aktuelt tema innan sirkulær økonomi. Ansvaret for arrangementet rullerer mellom kommunane. Arrangementet samlar næringsliv, kommunale fagmiljø, politisk leiing, forskarar og andre interesserte frå heile regionen.
Neste hending
22. september 2026 | Sogndal
Sirkulære bygg i praksis
Parallellsesjon under Klimaomstillingskonferansen 2026
Bygg- og anleggsnæringa står for ein stor del av både ressursbruk og klimagassutslepp. Samstundes opnar nye krav, ny teknologi og nye forretningsmodellar for heilt nye måtar å planleggje, bygge og forvalte bygga våre på.
På Sirkulære Sogn 2026 samlar vi arkitektar, entreprenørar, kommunar, forskingsmiljø og næringsliv til ein fagdag om sirkulære bygg. Gjennom konkrete døme, ny forsking og diskusjonar på tvers av fagmiljø ser vi nærare på korleis ombruk av materialar, smartere planlegging og nye verdikjeder kan bidra til både klimagasskutt og ny verdiskaping.
Arrangementet er ein del av Klimaomstillingskonferansen og blir avslutta med eit ope FoU-møte der næringsliv, kommunar og forskingsmiljø møtest for å diskutere nye prosjekt og samarbeidsmoglegheiter innan sirkulære bygg og byggematerialar.
Tid: 22. september 2026
Stad: Klimaomstillingskonferansen, Quality Hotel Sogndal
Sirkulære Sogn 2025: Frå tekstil til verdiskaping
I 2025 var Sirkulære Sogn ein del av Teknologiveka i Årdal gjennom den såkalla Tekstildagen. Dagen samla forskarar, næringsliv, offentlege aktørar og gründerar for å utforske korleis sirkulær økonomi kan skape nye moglegheiter innan tekstil og materialbruk.
På programmet stod tema som tekstilgjenvinning, berekraftige verdikjeder, design for ombruk, ny teknologi og korleis avfall kan bli til nye ressursar. Mellom innleiarane var representantar frå forskingsmiljø, næringsliv og organisasjonar som arbeider med sirkulær omstilling i praksis.
Tidlegare år
